చల్లని బీరు తాగి చిల్ అవుదామనుకున్నాడు.. బాటిల్ మూత తీస్తుంటే మైండ్ బ్లాంక్
Andhra Pradesh Telugu | Suryaa Desk | Published : Wed, Jun 26, 2024, 08:27 PM
ఏపీలోని రాయలసీమ ప్రాంతంలో ఎండలు మండిపోతున్నాయి.. యువకులు చల్లని బీరు తాగి చిల్ అవుతున్నారు. ఓ యువకుడు కూడా అలాగే చిల్డ్ తాగి ఎంజాయ్ చేద్దామనుకున్నాడు. మద్యం షాపుకు వెళ్లి చల్లని బీరు తీసుకున్నాడు.. అది తీసుకుని మూత తీయబోగా.. మైండ్ బ్లాంక్ అయ్యింది. నంద్యాల జిల్లాలో ఈ ఘటన జరిగింది. డోన్‌కు చెందిన ఓ యువకుడు బేతంచెర్ల సర్కిల్‌లో ఉండే ఓ మద్యం షాపునకు వెళ్లాడు. చల్లని బీరు ఇవ్వమని అక్కడ సిబ్బంది అడిగాడు. ఓ బీర్ బాటిల్ తీసి ఆ యువకుడికి ఇచ్చారు.
ఆ బీర్ బాటిల్ తీసుకుని మూత ఓపెన్ చేయబోయాడు.. బాటిల్‌లో ఏదో తెల్లగా కనిపించడంతో అనుమానం వచ్చింది. వెంటనే జేబులో ఉన్న మొబైల్ తీసి లైట్ వేసి బాటిల్ చూశాడు. మనోడికి దెబ్బకు అవాక్కయ్యాడు.. బీర్ బాటిల్‌లో తెల్లటి ప్లాస్టిక్ స్పూన్ కనిపించింది. ఆ బాటిల్ తీసుకుని నేరుగా మద్యం షాపు దగ్గరకు వెళ్లాడు. బాటిల్‌ను చూపించి స్పూన్ సంగతేంటని అడిగాడు.. షాపు సిబ్బంది తమకేమీ తెలియదన్నారు. బాక్స్‌లో తెచ్చిన బీర్లను ఫ్రిజ్‌లో ఉంచామని.. ఆ స్పూన్‌ను గమనించలేదన్నారు.
తాము వచ్చిన బీర్‌ల స్టాక్‌ను మాత్రమే విక్రయిస్తామని.. ఆ బీర్ తయారు చేసిన సంస్థ తప్పుగా తేల్చారు.. తమకు సంబంధం లేదన్నారు. దీంతో యువకుడు ఆందోళన వ్యక్తం చేశాడు.. బీర్ బాటిల్‌లో స్పూన్‌ను ముందుగానే గమనించబట్టి సరిపోయిందన్నాడు. స్పూన్ కాకుండా ఇంకేదైనా బాటిల్ వచ్చి ఉంటే పరిస్థితి ఏంటని ప్రశ్నించాడు. బీర్‌లు తయారు చేసే కంపెనీ ఈ విషయంలో జాగ్రత్తలు తీసుకోవాలని కోరాడు. ఈ వీడియో సోషల్ మీడియాలో కూడా వైరల్ అవుతోంది.
|
|