ఆగి ఉన్న బస్సులో భారీ పేలుడు
national | Suryaa Desk | Published : Thu, Sep 29, 2022, 12:41 PM
జమ్మూ కాశ్మీర్‌ లోని ఉధంపూర్ లో వరుస పేలుళ్లు కలకలం సృష్టిస్తున్నాయి. 8 గంటల వ్యవధిలో ఆగి ఉన్న రెండు బస్సుల్లో పేలుళ్లు సంభవించాయి. బుధవారం రాత్రి ఓ పెట్రోల్ బంక్ దగ్గర ఆగి ఉన్న బస్సులో పేలుడు సంభవించింది. ఈ ఘటనలో ఇద్దరికి గాయాలయ్యాయి. పేలుడు దృశ్యాలు సీసీటీవీలో రికార్డయ్యాయి. బంకులో పెట్రోల్ కొట్టించుకునేందుకు బస్సు అక్కడికి వచ్చినట్లు అధికారులు తెలిపారు. ఈ ఘటన జరిగిన 8 గంటలకే ఉధంపూర్ లోని మరో బస్సులో పేలుడు సంభవించింది. ప్రయాణికులు ఎవరూ లేకపోవడంతో పెను ప్రమాదం తప్పింది. ఇది ప్రమాదం కాదని, పేలుళ్లే అని పోలీసులు నిర్ధారించారు. ఎలాంటి బాంబులను వాడారనే విషయం తెలియాల్సి ఉందని చెప్పారు.
|
|