రైతులపై దాడిని ఖండించిన బీసీ యువజన సంఘం
Andhra Pradesh Telugu | Suryaa Desk | Published : Fri, Sep 23, 2022, 10:46 AM
బీసీ సామాజిక వర్గం రైతులపై అగ్రవర్ణాల దాడిని సీమాంధ్ర బి. సి. సంక్షేమ సంఘం యువజన విభాగం రాష్ట్ర అధ్యక్షులు లీలాక్రిష్ణయాదవ్ తీవ్రంగా ఖండించారు. నెల్లూరు నగరంలోని స్థానిక ప్రెస్ క్లబ్ లో గురువారం విలేకరుల సమావేశం నిర్వహించారు. ఈ సందర్భంగా ఆయన మాట్లాడుతూ నెల్లూరు జిల్లా పరిధిలోని మర్రిపాడు మండలం, కృష్ణపురం గ్రామానికి చెందిన బి. సి. సామాజికవర్గం దూదేకుల కులానికి. చెందిన షేక్. అబ్దుల్ అనే రైతు తన తల్లిదండ్రుల ద్వారా సంక్రమించిన 3 ఎకరాల పొలంను 2015 నుండి సాగు చేసుకుంటున్నారని తెలిపారు. పొలం అమ్మ లేదన్న కారణంతో అదే గ్రామానికి అగ్రకులానికి చెందిన వ్యక్తులు బీసీ రైతుపై దాడి చేయడం అన్యాయమన్నారు. దీనిపై అధికారులు విచారించి న్యాయం చేయాలని కోరారు.
|
|