నర్సుపై అత్యాచారయత్నం..కొడుకు చేసిన పనికి తల్లి షాక్
Andhra Pradesh Telugu | Suryaa Desk | Published : Sat, Aug 07, 2021, 03:45 PM
కామంతో కళ్లు మూసుకుపోయిన కీచకులకు వావి వరసలు, సిగ్గూ ఎగ్గూ, చుట్టుపక్కల వాతావరణం ఇవేవీ కనిపించవు. కామ వాంఛను తీర్చుకోవడానికి ఇలాంటి వాళ్లు ఎంతకైనా తెగిస్తారు. ప్రకాశం జిల్లా ఒంగోలు రిమ్స్ ఆస్పత్రిలో ఇదే జరిగింది. కోవిడ్ వార్డులో కాంట్రాక్ట్ నర్స్ పట్ల పేషెంట్ కొడుకు ప్రవర్తించిన తీరును అక్కడ ఉన్నవారిని షాక్‌కు గురిచేసింది. అతగాడి ప్రవర్తన చూసి అందరూ ఛీ అన్నారు. కోవిడ్‌తో బాధపడుతున్న ఓ మహిళ రిమ్స్‌లోని 216 వార్డులో చేరింది. ఆమె కొడుకు విజయ్ కుమార్ అటెండెంట్‌గా వచ్చాడు. తన తల్లికి ట్రీట్‌మెంట్ ఇచ్చే నర్స్‌పై అతగాడి కన్ను పడింది. చావుబతుకుల్లో ఉన్న తన తల్లికి సపర్యలు చేస్తున్న నర్స్ పట్ల గౌరవ భావంతో ఉండాల్సింది పోయి వంకర చూపులు చూశాడు. ఈ క్రమంలో విజయ్ తల్లిని చెక్ చేసేందుకు ఆ నర్స్ వచ్చింది. నర్స్ తన పని తాను చేస్తుండగా ఆమె ఒంటిపై అసభ్యకరంగా చేయి వేశాడు ఆ కీచకుడు. వాడు చేసిన పనికి ఆగ్రహించిన ఆ నర్స్ బిగ్గరగా అరుస్తూ ప్రశ్నించింది.
ఇక అంతే తల్లి బెడ్‌పై ఉందని అది కోవిడ్ వార్డ్ అని అక్కడ చాలా మంది ఉన్నారని కూడా చూడకుండా నర్స్‌పై విరుచుకుపడ్డాడు విజయ్. ఆమెను ఒక్కసారి ఎత్తి బెడ్‌పై వేసి మీద పడ్డాడు. ఇదంతా చూసిన అక్కడి మిగిలిన పేషెంట్ల బంధువులు షాక్‌కు గురయ్యారు. ఆ కామాంధుడి నుంచి నర్స్‌ను కాపాడారు. ఈ ఘటన ఈనెల 1న జరగగా ఆలస్యంగా వెలుగులోకి వచ్చింది. సీసీటీవీ ఫుటేజ్ ఆధారంగా నిందుడిని పోలీసులు అదుపులోకి తీసుకున్నారు. కేసు నమోదు చేసి దర్యాప్తు చేస్తున్నారు.
|
|