ట్రెండింగ్
ట్రేడింగ్ సర్వర్లలో టెక్నికల్ సమస్య.. తీవ్ర గందరగోళం
Andhra Pradesh Telugu | | Published : Mon, Jul 10, 2017, 11:35 AM
బొంబాయి స్టాక్ ఎక్స్ఛేంజ్ లో పలు కంపెనీల ఈక్విటీలు లాభాల్లో నడుస్తున్న వేళ, నేషనల్ స్టాక్ ఎక్స్ఛేంజ్ లో ఈక్విటీ ధరలు అప్ డేట్ కాకపోవడంతో తీవ్ర గందరగోళం ఏర్పడగా ట్రేడింగ్ నిలిచిపోయింది. ఈ ఉదయం ట్రేడింగ్ సర్వర్లలో టెక్నికల్ సమస్య ఏర్పడిందని ఎన్ఎస్ఈ తాత్కాలిక చీఫ్ రవిచంద్రన్ వెల్లడించారు. సమస్యను పరిష్కరించేందుకు ప్రయత్నిస్తున్నామని తెలిపారు. క్యాష్, ఫ్యూచర్స్ అండ్ ఆప్షన్స్ విభాగాల్లో తాత్కాలికంగా లావాదేవీలను నిలిపివేశామని అన్నారు. ఈ ఉదయం 10.45కు ట్రేడింగ్ ప్రారంభమవుతుందని ఎన్ఎస్ఈ అధికారులు వెల్లడించినా, 11.20 గంటల సమయానికి ట్రేడింగ్ ఇంకా మొదలు కాలేదు. సాంకేతిక సమస్యల కారణంగా మార్కెట్ రీ ఓపెన్ సమయాన్ని తదుపరి తెలియజేస్తామన్న మెసేజ్ కనిపిస్తోంది.
|
|