కేంద్ర హోంమంత్రి అమిత్షా హిందీ దివస్ సందర్భంగా చేసిన వ్యాఖ్యలు దేశ సమగ్రతకు భంగం కలిగేలా ఉన్నాయని డిఎంకె అధ్యక్షుడు ఎంకె స్టాలిన్ అన్నారు. తాను చేసిన ప్రకటనను అమిత్షా వెనక్కు తీసుకోవాలని తాము డిమాండ్ చేస్తున్నామని స్టాలిన్ అన్నారు. హిందీని బలవంతంగా రుద్దడంపై తాము మొదటి నుంచి వ్యతిరేకిస్తూనే ఉన్నామని ఆయన చెప్పారు. ఎల్లుండి తమ పార్టీ కార్యవర్గ సమావేశం జరుగనున్నదని, ఆ సమావేశంలో ఈ అంశంపై చర్చిస్తామని ఆయన అన్నారు.