2018 ఎన్నికలలో పార్టీ విజయం సాధించినా అనేక నాటకీయ పరిణామాల నేపథ్యంలో ప్రమాణం చేసి 48 గంటలు గడవకముందే రాజీనామా చేసిన ఎడ్యురప్ప మరోమారు కన్నడ సిఎంగా గద్దెనెక్కనున్నారు. ఎన్నికలలో ప్రత్యర్ధులుగా పోటీచేసిన కాంగ్రెస్-జేడీఎస్ లు అధికారం కోసం ఏకమై సంకీర్ణ సర్కారు ఏర్పాటుకు రడీ అయిన సమయంలో అసలు ఈ ప్రభుత్వం ఎంత కాలం ఉంటుందో చూస్తానని వ్యాఖ్యానించారు. సరిగ్గా 14 నెలల అనంతరం తన మాట నిలుపుకుంటూ మరోసారి సీఎంగా ప్రమాణస్వీకారం చేయడానికి సిద్ధమయ్యారు. కుమార ప్రభుత్వం కుప్పకూలిన నేపథ్యంలో ఆయనను ప్రభుత్వ ఏర్పాటు చేయమని గవర్నర్ ఆహ్వానించే అవకాశాలున్నాయి.యడ్యూరప్ప ఇప్పటి వరకు 7 పర్యాయాలు ఎమ్మెల్యేగా గెలిచారు. దక్షిణ భారత దేశంలో బీజేపీకి చెందిన తొలి ముఖ్యమంత్రి యడ్యూరప్పే కావడం విశేషం. మూడుసార్లు (2007, 2008, 2018) ముఖ్యమంత్రిగా ప్రమాణ స్వీకారం చేశారు. తాజాగా మరోమారు సిఎం అయ్యే ఛాన్సు యడ్యురప్పకు వచ్చింది.