ట్రెండింగ్
Epaper    English    தமிழ்

242 కిలోలు తగ్గిన ఆ ఈజిప్టు మహిళ

Andhra Pradesh Telugu |  Suryaa Desk  | Published : Wed, Apr 12, 2017, 03:16 PM

ప్రపంచంలోనే భారీ కాయురాలిగా పేరు తెచ్చుకున్న ఈజిప్టు మహిళ ఎమాన్ అహ్మద్. అయిదువందల కిలోల బరువుతో కనీసం చేయి కూడా కదపలేని పరిస్థితుల్లో ఉండేది. ఆమె వయసు 36 ఏళ్లు. ప్రస్తుతం ఆమె ముంబైలోని ఆసుపత్రిలో బరువు తగ్గే చికిత్స పొందుతోంది. బేరియాట్రిక్ సర్జన్ డాక్టర్ ముఫ్పంజాల్ లక్డావాలా ఆమెకు చికిత్స అందిస్తున్నారు. ఆయన ఇటీవల ఓ కార్యక్రమంలో మాట్లాడుతూ ఎమాన్ ఈజిప్టు నుంచి వచ్చే సమయానికి ఉన్న బరువులో సగం బరువు ప్రస్తుతం తగ్గిందని చెప్పారు. దాదాపు 242 కిలోలు తగ్గినట్టు చెప్పారు. మార్చి 7న ఆమె గ్యాస్ట్రోక్టమీ చికిత్స ద్వారా 130 కిలోలు తగ్గిందని చెప్పారు. నెల రోజుల్లోనే 130 కిలోలు తగ్గడం చాలా మంచి పరిణామమని చెప్పారు. బరువు తగ్గతుండడం వల్ల ఆమె ఆరోగ్యం కూడా చాలా మెరుగవుతోందన్నారు. వివిధ ప్రధాన అవయవాల్లో చేరిన నీరు కూడా బయటికి పోతోందన్నారు. గుండె, కిడ్నీలు, ఊపిరితిత్తులల్లో అధిక మొత్తాల్లో ఫ్లూయిడ్స్ ఉండేవని, అవన్నీ ఇప్పుడు అదుపులో ఉన్నాయని తెలిపారు. ఆమెకు చికిత్స పూర్తి చేసి విమానంలో కూర్చోగలిగి ఈజిప్టు వెళ్లగల పరిస్థితి వచ్చాకే ఆమెను తిరిగి పంపిస్తామని డాక్టర్ చెప్పారు. ఏడాది అనంతరం మళ్లీ ఎమాన్ కు మరో బేరియాట్రిక్ సర్జరీ చేయాల్సి రావొచ్చని వైద్యులు తెలిపారు.






SURYAA NEWS, synonym with professional journalism, started basically to serve the Telugu language readers. And apart from that we have our own e-portal domains viz,. https://www.suryaa.com/ and https://epaper.suryaa.com