మార్కెట్ లోకి....హంటర్ 350 విడుదల...ఇవే దాని ప్రత్యేకతలు

మార్కెట్ లోకి తాజాగా అనేక బైక, కార్ల కంపెనీలు తమతమ నూతల ఉత్పత్తులను తీసుకొస్తున్నాయి. ఈ నేపథ్యంలో తాజాగా వాహనదారులు ఎంతో కాలంగా వేచి చూస్తున్న సరికొత్త బైకు హంటర్ 350ని రాయల్ ఎన్‌ఫీల్డ్ లాంచ్ చేసింది. ఈ బైకు ధర ఎక్స్‌షోరూంలో రూ.1.50 లక్షల నుంచి ప్రారంభమై.. రూ.1.68 లక్షల వరకు ఉంది. మూడు మేరియంట్లలో హంటర్ 350 బైకుని కంపెనీ విడుదల చేసింది. రెట్రో, మెట్రో, మెట్రో రెబల్ వేరియింట్లలో ఈ బైకు అందుబాటులో ఉంటుంది. న్యూ క్లాసిక్ 350, మెటోర్ 350లలో వాడిన ఇంజిన్, ప్లాట్‌ఫామ్‌ను హంటర్ 350 బైకులో కూడా వాడింది. ఈ బైకు టీవీఎస్ రోనిన్, హోండా సీబీ 350 ఆర్ఎస్, జావా 42 లకు గట్టి పోటీగా నిలవనుంది.

హంటర్ 350 రెట్రో వేరియంట్ ధర రూ.1.50 లక్షలుగా కంపెనీ నిర్ణయించింది. మెట్రో డీపర్ వేరియంట్ ధర రూ.1.64 లక్షలుగా ఉంది. ఇక టాప్ మోడల్ మెట్రో రెబల్ ధర రూ.1.68 లక్షలుగా కంపెనీ ప్రకటించింది. సింగిల్ సిలిండర్, ఎయిర్/ఆయిల్ కూల్డ్ ఇంజిన్, ఎస్ఓహెచ్‌సీలను కొత్త రాయల్ ఎన్‌ఫీల్డ్ హంటర్ 350లో ఇచ్చింది.

ఈ బైకు ఇంజిన్‌ని కూడా 5 స్పీడ్ గేర్‌బాక్స్‌తో రూపొందించింది. ఈ బైకు టాప్ స్పీడు గంటకు 114 కి.మీలు. అలాగే లీటరుకి 36.2 కి.మీల మైలేజ్‌ని కూడా ఈ బైకు అందిస్తుంది. మిగతా బైకులతో పోలిస్తే హంటర్ 350 బైకు ఆకర్షణీయమైన లుక్‌లో కనిపిస్తోంది. ఇది మరింత స్పోర్టీగా ఉంది. రౌండ్ హెడ్‌ల్యాంప్స్, ఇండికేటర్స్, లాంగ్ సింగిల్ పీస్ సీటు వంటివి ఈ బైకుకి అమర్చింది. డ్యూయల్ ఛానల్ ఏబీఎస్, 17 అంగుళాల స్పోక్ అలాయ్ వీల్స్, టెలిస్కోపిక్ ఫ్రంట్ ఫోర్క్స్, రియర్ మోనోషాక్, ట్రిప్పర్ నావిగేషన్‌ ఈ బైకులో ఉన్న ఇతర ఫీచర్లు. హంటర్ బైకు బరువు 181 కేజీలుగా ఉంది. అయితే క్లాసిక్ 350తో పోలిస్తే మాత్రం 14 కేజీల తక్కువ బరువే. ఈ బైకు బుకింగ్స్‌ను కూడా కంపెనీ ప్రారంభించింది. భారత్‌లో టెస్ట్ రైడ్లకు ఇది అందుబాటులో ఉంటుంది.