ట్రెండింగ్
Epaper    English    தமிழ்

క్రిప్టో కరెన్సీ భారీ పతనం...అమెరికానే కారణమంటా

business |  Suryaa Desk  | Published : Tue, May 24, 2022, 06:58 PM

ఇటీవల క్రిప్టో కరెన్సీ భారీగా నష్టపోయింది. దీనికి కారణం అమెరికా కూడా అని ప్రచారం సాగుతోంది. ఇదిలావుంటే గత కొన్ని రోజులుగా బిట్ కాయిన్ 28,700 డాలర్ల నుంచి 31,300 డాలర్ల శ్రేణిలో కదలాడుతోందని తెలిపింది. మే 12న టెరాయూఎస్‌డీ పతనం (మార్కెట్‌క్యాప్ ప్రకారం మూడో అతిపెద్ద స్టేబుల్ కాయిన్) భారీగా పతనం అయ్యిందని, దీంతో ఇన్వెస్టర్ల సెంటిమెంట్ దెబ్బతిందని, అలాగే అమెరికా మార్కెట్లు మే 18న పతనం కావడం వల్ల బిట్ కాయిన్ రికవరీ కష్టమైందని వివరించింది. మరోవైపు ఇథీరియం ధర కూడా తగ్గింది. 1966 డాలర్ల వద్ద ట్రేడ్ అవుతోంది. 2.53 శాతం దిగి వచ్చింది.


200 రోజుల మూవింగ్ యావరేజ్, హారిజంటల్ ట్రెండ్‌లైన్, 20 రోజుల మూవింగ్ యావరేజ్ వద్ద నిరోధం ఎదుర్కొన్న తర్వాత ఇథీరియం భారీగా పడిపోయిందని వజీర్ఎక్స్ ట్రేడ్ డెస్క్ పేర్కొంది. ప్రస్తుతం ఈ క్రిప్టో కరెన్సీ 1900 నుంచి 2155 డాలర్ల మధ్యలో కన్సాలిడేట్ అవుతోందని తెలిపింది. 2150 డాలర్ల వద్ద దీనికి బలమైన నిరోధం ఉందని పేర్కొంది. ఈ స్థాయిని దాటితే తర్వాత ఇథీరియం రేటు 2400 డాలర్ల స్థాయికి ర్యాలీ చేయొచ్చని అంచనా వేసింది.


మార్కెట్‌పై ఒత్తిడి కొనసాగుతోంది. మే 21 శనివారం కూడా గ్లోబల్ క్రిప్టో కరెన్సీ మార్కెట్ పడిపోయింది. అమెరికా స్టాక్ మార్కెట్లు పతనం అవ్వడం ఇందుకు కారణంగా చెప్పుకోవచ్చు. దీని వల్ల క్రిప్టో కరెన్సీ మార్కెట్ కూడా 2.77 శాతం పడిపోయింది. 1.25 ట్రిలియన్ డాలర్లుగా నమోదు అయ్యింది. 2020 మార్చిలో కూడా అమెరికా మార్కెట్లు, బిట్ కాయిన్ పతనం అయ్యాయని, ఇప్పుడు కూడా అలాంటి పరిస్థితులే కనిపిస్తున్నాయని వజీర్‌ఎక్స్ ట్రేడ్ డెస్క్ పేర్కొంటోంది. అయితే రానున్న రోజుల్లో మళ్లీ ఇవి పుంజుకోవడం అంత ఈజీ కాదని తెలిపింది. 2020లో ఫెడ్ ఉద్దీపణ ప్యాకేజీని ప్రకటించిందని, అయితే ఇప్పుడు సెంట్రల్ బ్యాంక్ ద్రవ్యోల్బణాన్ని కట్టడి చేయడానికి వడ్డీ రేట్లు పెంచుకుంటూ వెళ్తోందని వివరించింది.


బిట్ కాయిన్ ధర ఈరోజు పడిపోయింది. 30 వేల డాలర్ల కిందకు దిగి వచ్చింది. బిట్ కాయిన్ రేటు 29,303 డాలర్ల వద్ద కదలాడుతోంది. గత 24 గంటల్లో చూస్తే బిట్ కాయిన్ రేటు 2.36 శాతం మేర తగ్గిందని చెప్పుకోవచ్చు. ఈ నెల ఆరంభం నుంచి చూస్తే బిట్ కాయిన్ నష్టాల్లోనే కదలాడుతోందని వజీర్‌ఎక్స్ ట్రేడ్ డెస్క్ తెలిపింది. వరల్డ్ మోస్ట్ పాపులర్ క్రిప్టో అయిన దీని ధర ఏకంగా 34 శాతం తగ్గిందని పేర్కొంది. 25,338 డాలర్ల కనిష్టానికి తగ్గిందని వివరించింది. బిట్ కాయిన్ లాంగ్ లెగ్గ్‌డ్ డోజీ క్యాండిల్‌ను ఏర్పరచిందని, 200 వారాల మూవింగ్ యావరేజ్ వద్ద మద్దతు కలిగి ఉందని, రికవరీ సంకేతాలు సూచిస్తోందని వివరించింది.






SURYAA NEWS, synonym with professional journalism, started basically to serve the Telugu language readers. And apart from that we have our own e-portal domains viz,. https://www.suryaa.com/ and https://epaper.suryaa.com