కారెట్లలో ఏ విటమిన్ ఉంటుందని అందరికి తెలిసిన విషయమే. మెరుగైన కంటిచూపుకు విటమిన్ ఏ తప్పనిసరి గా తీసుకోవాలి. విటమిన్ ఏ చర్మానికి, జుట్టుకి, కాలేయానికి చాలా మంచిది. హెయిర్ ప్రాబ్లెమ్స్ నివారించాలన్నా , మేనిఛాయ మెరిసిపోవాలన్నా, అల్సర్ వంటి ఆరోగ్య సమస్యలు దరిచేరకుండా ఉండాలన్నా రోజుకొక క్యారెట్ ను తీసుకుంటూ ఉండాలి. లేకపోతే, వారానికి రెండుసార్లు క్యారెట్ జ్యూస్ ను తాగినా సరిపోతుంది.
కావలసిన పదార్థాలు: క్యారెట్స్ - 4 , పంచదార - 2 కప్పులు, నిమ్మకాయ - 1, ఐస్ క్యూబ్స్ - 4
తయారీవిధానం : ముందుగా క్యారెట్ ను పైన తోలు తీసేసి చిన్న ముక్కలుగా కోసి పక్కన పెట్టుకోవాలి. వీటిని ఒక జ్యూసర్ లోకి తీసుకుని అందులో రెండు కప్పుల పంచదారను కూడా వేసి ఒక నిమిషం పాటు మిక్సీ పట్టాలి. ఆ తర్వాత అందులో 4 ఐస్ క్యూబ్స్ ను కొద్దిగా నీళ్లను పోసి, ఐదు నిమిషాల పాటు మెత్తగా బ్లెండ్ చేసుకోవాలి. ఇప్పుడు ఈ మిశ్రమాన్ని వడ కట్టుకుని క్యారెట్ రసాన్ని, పిప్పిని వేరు చెయ్యాలి. క్యారెట్ రసంలో కొద్దిగా నిమ్మరసాన్ని పిండి గ్లాసులో పోసుకుని తాగితే చాలా రుచిగా ఉంటుంది. ఆఖరున యాడ్ చేసే నిమ్మకాయ వలన ఈ జ్యూస్ చాలా బావుంటుంది. మిగిలిపోయిన క్యారెట్ పిప్పిన పడెయ్యకుండా అందులో పాలు లేదా తేనెను కలిపి ముఖానికి రాసుకుంటే, ముఖం వెలిగిపోతుంది.