అప్ఘాన్ ను హస్తగతం చేసుకున్న తాలిబన్లకు అమెరికా షాకిచ్చింది. అమెరికా బ్యాంకుల్లో ఉన్న అఫ్గానిస్థాన్ నిధులను ఫ్రీజ్ చేసింది. అప్ఘాన్ నిధులు తాలిబన్ల చేతికి చిక్కకుండా అమెరికా ఈ ఎత్తు ఎత్తింది. ఈ మేరకు 9.4 బిలియన్ డాలర్లను స్తంభింపచేసింది. కాగా అఫ్ఘాన్ నుండి తమ బలగాలను వెనక్కి రప్పించడంపై అమెరికా ప్రెసిడెంట్ జో బైడెన్ సమర్థించుకున్న సంగతి తెలిసిందే. తాము సహకారం అందించిన అఫ్ఘాన్ ప్రభుత్వం సివిల్ వార్ నిర్వహించడంలో విఫలమైందని, తమ సైన్యం చాలా వరకు నష్టపోయిందని వెల్లడించారు.