కరోనాకు వ్యాక్సిన్ తయారీలో చైనా ముందడుగు..
international | Suryaa Desk | Published : Sun, Jun 14, 2020, 12:58 PM
కరోనాకు వ్యాక్సిన్‌ను అభివృద్ధి చేసే విషయంలో చైనా బయోఫార్మా సంస్థ సినోవాక్‌ బయోటెక్‌ దూకుడుగా ముందుకు వెళ్తోంది. కరోనావ్యాక్‌ పేరిట అభివృద్ధి చేస్తున్న ఈ వ్యాక్సిన్ ఇటీవల జరిపిన పరీక్షలో విజయవంతమైందని ఆ సంస్థ తెలిపింది. తాము అభివృద్ధి చేస్తోన్న ఈ వ్యాక్సిన్ చాలా సురక్షితమైనదని తెలిపింది.
దీనికి రోగనిరోధక వ్యవస్థను ప్రేరేపించడంలో మెరుగైన సామర్థ్యం ఉందని తాము గుర్తించినట్లు ప్రకటించింది. ఇప్పటికే ఈ వ్యాక్సిన్‌కు రెండు దశల్లో పరీక్షలు నిర్వహించారు. దీనికి మూడో దశ పరీక్షలను తాము బ్రెజిల్‌లో చేపట్టనున్నట్లు తెలిపింది.
ఇప్పటివరకు రెండు దశల్లో తాము ఈ వ్యాక్సిన్ ను పలువురిలో ప్రవేశపెట్టి ప్రయోగాలు చేయగా వారిలో 90 శాతం మందికి పైగా ఎటువంటి తీవ్ర సైడ్‌ ఎఫెక్ట్స్‌ కనిపించలేదని చెప్పింది. వారిలో ఈ వ్యాక్సిన్ 2 వారాల్లో యాంటీ బాడీలను విజయవంతంగా ఉత్పత్తి చేసిందని తెలిపింది.
|
|