యుకెలోని బకింగ్హామ్షైర్లో నివసిస్తున్న చలోయి మిడిల్టన్ అనే 21 ఏళ్ల యువతి కరోనా వైరస్ బారిన పడి మరణించింది. గతంలో ఆమెకు ఎటువంటి అనారోగ్యం లేదు. ఇలా అనారోగ్యం లేకుండా కరోనా బారినపడి మరణించిన అతి పిన్న వయస్కురాలు ఈమెనే అని గుర్తించారు. ఈ మేరకు చలోయి మిడిల్టన్ తల్లి సోషల్ మీడియాలో ఒక పోస్ట్ పెట్టారు. ఇది వైరల్ అయ్యింది. దేశవ్యాప్తంగా ప్రజలు చలోయికి నివాళులు అర్పించారు.