ట్రెండింగ్
థాయిలాండ్‌లో కాల్పులు...17మంది మృతి
international | Suryaa Desk | Published : Sun, Feb 09, 2020, 07:59 PM
థాయిలాండ్‌లోని ఖోరత్‌ ప్రాంతంలో ఓ సైనికుడు తుపాకీ చేత పట్టుకొని ద్విచక్రవాహనంపై తిరుగుతూ ఘాతుకానికి పాల్పడ్డాడు. కనిపించిన వారందరిపై ఇష్టానుసారంగా కాల్పులు జరిపినట్లు అక్కడి మీడియా వర్గాలు వెల్లడించాయి. ఈ ఘటనలో సుమారు 17మంది ప్రాణాలు కోల్పోయినట్లు తెలుస్తోంది. పలువురు తీవ్రంగా గాయపడ్డారు. మృతుల సంఖ్య మరింత పెరిగే అవకాశం ఉన్నట్లు పోలీసులు వెల్లడించారు. ఓ షాపింగ్‌ మాల్‌ ఎదుట తిరుగుతూ తుపాకీతో కాల్పులు జరిపాడు. దీనికి సంబంధించిన వీడియో బయటకు వచ్చింది. ఈ ఘటనలో ఇద్దరు పోలీసులు కూడా ప్రాణాలు కోల్పోయారు. కాగా కాల్పుల ఘటన అనంతరం దుండగుడు షాపింగ్‌మాల్‌లోకి చొరబడి అక్కడి ప్రజలను బందీలుగా చేసుకున్నట్లు తెలుస్తోంది.
|
|