ఆధార్ రూల్స్‌లో మార్పులు... బ్యాంక్ అకౌంట్‌ సులభంగానే

కేంద్ర ప్రభుత్వం ఆధార్ రూల్స్‌లో మార్పు చేసింది. తాజాగా ఆధార్ కేవైసీకి సంబంధించిన నిబంధనలను సరళీకరించింది. బ్యాంక్ అకౌంట్ ఓపెనింగ్‌కు ఆధార్ కేవైసీ రూల్స్‌‌‌ను సవరించింది. దీంతో ఆధార్ కార్డులో అడ్రస్‌ మార్పు అసవరం ఉండదు. ఆధార్ కేవైసీ వినియోగానికి సంబంధించి డిపార్ట్‌మెంట్ ఆఫ్ రెవెన్యూ (డీఓఆర్), ఆర్థిక మంత్రిత్వ శాఖ ఈ మేరకు నోటిఫికేషన్ జారీ చేసింది. దీని కోసం ప్రివెంటేషన్ ఆఫ్ మనీ ల్యాండరింగ్ రూల్స్ 2005 రూల్స్‌ను సవరించింది. దీంతో ఉద్యోగ మార్పు రిత్యా వేరొక ప్రాంతానికి వెళ్లిన వారు అక్కడ బ్యాంక్ అకౌంట్ ఓపెన్ చేయాలంటే ఆధార్ అడ్రస్ అవసరం లేదు. ప్రస్తుత అడ్రస్ సెల్ఫ్ డిక్లరేషన్‌తో అకౌంట్ తెరవొచ్చు. బ్యాంక్ అకౌంట్‌ ఓపెనింగ్‌కు సంబంధించి ఆధార్ కేవైసీకి మాత్రమే తాజాగా సవరణ వర్తిస్తుందని రెవెన్యూ కార్యదర్శి అజయ్ భూషణ్ తెలిపారు. ఆధార్ కార్డులో అడ్రస్ మార్చుకోవలసిన అవసరం లేదని పేర్కొన్నారు. ఉద్యోగులు ఒక ప్రాంతం నుంచి వేరొక ప్రాంతానికి బదిలీ అయినప్పుడు బ్యాంక్ అకౌంట్ ఓపెనింగ్ లేదా బ్యాంక్ అకౌంట్ బ్రాంచ్ మార్చుకోవడానికి ఆధార్ కేవైసీ కింద కొత్త అడ్రస్ సెల్ఫ్ డిక్లరేషన్ ఇస్తే సరిపోతుందని వివరించారు. దీంతో ఆధార్ కార్డులో వేరొక అడ్రస్ ఉన్న వారు బ్యాంక్ అకౌంట్‌ను సులభంగా తెరిచే అవకాశం ఏర్పడింది. అంటే ఇప్పుడు బ్యాంకుల్లో కేవైసీ కింద వేరొక అడ్రస్‌తో ఉన్న ఆధార్ ఇచ్చినా సరిపోతుంది. అయితే ప్రస్తుత అడ్రస్‌తో సెల్ఫ్ డిక్లరేషన్ ఇవ్వాలి. బదిలీ, వలస వెళ్లే వారికి తాజా రూల్‌తో ప్రయోజనం లభిస్తుంది. ఉదాహరణకు ఒక ఉద్యోగి ముంబై నుంచి గుజరాత్‌కు బదిలీ య్యాడు. అతని ఆధార్ కార్డులో అడ్రస్ ముంబైది ఉంది. ఈయన గుజరాత్‌లో బ్యాంక్ అకౌంట్ ఓపెన్ చేయాలని భావిస్తే. గుజరాత్‌లోని ప్రస్తుత అడ్రస్‌ను సెల్ఫ్ డిక్లరేషన్ కింద ఇస్తే పని పూర్తవుతుంది. ఆధార్ కేవైసీకి ఇది సరిపోతుంది. అప్పుడు మీ ప్రస్తుత అడ్రస్‌పైనే అకౌంట్ ఓపెన్ అవుతుంది.