రాజకీయాలు కూడా క్రికెట్లాంటివేనని, క్రికెట్లో మాదిరిగానే రాజకీయాల్లో కూడా ఏమైనా జరుగవచ్చునని కేంద్రమంత్రి నితిన్ గడ్కరీ అన్నారు. క్రికెట్ ఆడుతున్న సమయంలో విజయం ఎవరిని వరిస్తుందో చెప్పలేమని, అలాగే రాజకీయాల్లో భవిష్యత్తులో ఏం జరుగుతుందో చెప్పలేమని ఆయన అన్నారు. మహారాష్ట్రలో ఏ పార్టీ కూడా ప్రభుత్వాన్ని ఏర్పాటు చేయలేని స్థితిలో ఉండటం, రాష్ట్రపతి పాలన విధించడంపై నితిన్ గడ్కరీని మీడియా ప్రశ్నించగా రాష్ట్రంలోని రాజకీయాల గురించి తనకు పూర్తి సమాచారం లేదని ఆయన సమాధానమిచ్చారు.