వైఎస్సార్‌సీపీకి మరో షాక్,,,పార్టీకి కిలారి రోశయ్య రాజీనామా

ఏపీలో వైఎస్సార్‌సీపీకి  మాజీ ఎమ్మెల్యే గుడ్ బై చెప్పారు. వైఎస్సార్‌‌సీపీకి పొన్నూరు మాజీ ఎమ్మెల్యే కిలారి వెంకట రోశయ్య రాజీనామా చేశారు. గుంటూరు పార్లమెంటు పరిధిలోని నేతలతో సమావేశమైన ఆయన.. పార్టీకి గుడ్ బై చెబుతున్నట్లు ప్రకటించారు. రోశయ్య వైఎస్సార్‌సీపీ ఘాటు వ్యాఖ్యలు చేశారు.. పార్టీ బలోపేతం కోసం ఎంతో కష్టపడ్డానని.. పార్టీ అధికారంలోకి వచ్చాక తనకు గౌరవం దక్కలేదన్నారు. వైఎస్సార్‌సీపీలో ఎన్నో అవమానాలను ఎదుర్కొన్ననని.. కొందరు నేతలు సొంత నిర్ణయాలతో పార్టీని నడిపిస్తున్నారని విమర్శించారు.

పార్టీలో తనకు కనీస గౌరవం లేది..పార్టీని మోసం చేసిన వ్యక్తులను చేరదీసి గౌరవించారని ధ్వజమెత్తారు రోశయ్య. పార్టీలో గ్రూపులు తయారు చేసినవాళ్లు.. ఇవాళ మంచి పదవుల్లో ఉన్నారని ఆరోపించారు. ఐదేళ్లలో ఎమ్మెల్యేగా పొన్నూరు నియోజకవర్గానికి ఎంతో అభివృద్ధి చేశానని.. చెప్పుడు మాటలు విని అధినేత తనకు పొన్నూరు నియోజకవర్గం టికెట్ ఇవ్వలేదని ఆవేదన వ్యక్తం చేశారు. అన్నివిధాలా తాను పార్టీలో అవమానాలను ఎదుర్కొన్నానన్నారు.

సమాజంలో విలువ లేని వ్యక్తిని, పార్టీ ఓటమి కోసం పని చేసిన వ్యక్తిని చేరదీశారన్నారు కిలారి రోశయ్య. ఉమ్మారెడ్డి వెంకటేశ్వర్లకు ఎంతో అనుభవం ఉందని..శానసమండలిలో ఆయనకు కాకుండా వేరే వ్యక్తికి లీడర్ ఆఫ్ అపోజిషన్ పదవి ఇచ్చారన్నారు. ఈ పరిణామాలతో తాను వైఎస్సార్‌‌సీపీకి రాజీనామా చేస్తున్నట్లు ప్రకటించారు. గుంటూరు జిల్లాలో వైఎస్సార్‌‌సీపీకి వరుసగా ఎదురు దెబ్బలు తగులుతున్నాయి.. గత వారమే గుంటూరు వెస్ట్ మాజీ ఎమ్మెల్యే మద్దాల గిరి వైఎస్సార్‌సీపీకి రాజీనామా చేసిన సంగతి తెలిసిందే. తాజాగా కిలారి రోశయ్య రాజీనామా చర్చనీయాంశమైంది.. అయితే రోశయ్య జనసేన పార్టీలోకి వెళతారని ప్రచారం జరుగుతోంది.

కిలారి రోశయ్య 2019 ఎన్నికల్లో గుంటూరు జిల్లా పొన్నూరు నుంచి వైఎస్సార్‌సీపీ తరఫున పోటీచేసి ఎమ్మెల్యేగా విజయం సాధించారు. రోశయ్య వైఎస్సార్‌సీపీ సీనియర్ నేత, ఎమ్మెల్సీ ఉమ్మారెడ్డి వెంకటేశ్వర్లుతో బంధుత్వం ఉంది. అయితే రోశయ్యకు 2024 ఎన్నికల్లో పొన్నూరు నుంచి టికెట్ ఇవ్వలేదు.. ఆయన గుంటూరు ఎంపీగా వైఎస్సార్‌సీపీ తరఫున పోటీచేసి టీడీపీ అభ్యర్థి పెమ్మసాని చంద్రశేఖర్ చేతిలో ఓడిపోయారు. కొంతకాలంగా ఆయన పార్టీ కార్యక్రమాలకు దూరంగా ఉంటున్నారు.. ఇప్పుడు పార్టీకి రాజీనామా చేశారు.