నా ఎదుగుదలకి అయన ఎంతో కృషి చేసాడు
Andhra Pradesh Telugu | Suryaa Desk | Published : Mon, Jun 10, 2024, 04:14 PM
శాలివాహనుల అభివృద్ధి టీడీపీతోనే సాధ్యమని ఆ సంఘం రాష్ట్ర అధ్యక్షుడు తుగ్గలి నాగేంద్ర అన్నారు. ఆదివారం కర్నూలు జిల్లా, ఎమ్మిగనూరు పట్టణంలోని కుమ్మర వీధిలో తాలుకా అధ్యక్షుడు పాండురంగస్వామి ఆధ్వర్యంలో జిల్లా శాలివాహనుల సంఘం సమావేశం నిర్వహించారు. ఈ సందర్భంగా ఆయన మాట్లాడుతూ పత్తికొండ నియోజకవర్గంలో టీడీపీ బలోపేతం కోసం కృషి చేసిన వారిని అగ్రవర్ణాలు పొట్టనపెట్టుకున్నాయని అన్నారు. తనను టీడీపీ అధినేత చంద్రబాబునాయుడు ఫ్యాక్షన్‌ గొడవల నుంచి రక్షించడం వల్లే ఈ రోజు ఇక్కడ మాట్లాడగలుగుతున్నానని తెలిపారు. బడుగు, సామాజిక వర్గాలకు సేవలందించేలా ఎమ్మెల్సీ పదవి ఇచ్చి తన రాజకీయ ఎదుగుదలకు తోడ్పాటునందిస్తారని ఆశిస్తున్నట్లు ఆయన పేర్కొన్నారు. తాను ఏ స్థాయిలో ఉన్నా శాలివాహనుల అభివృద్ధి, సంక్షేమానికి తన వంతు కృషి చేస్తానని చెప్పారు. అనంతరం తుగ్గలి నాగేంద్రతోపాటు సంఘం దక్షిణ భారతదేశ సంఘం అధ్యక్షులు చౌడప్పశెట్టి, పలువురు నాయకులను పూలమాలలు, శాలువాలతో ఘనంగా సత్కరించారు.
|
|