ట్రెండింగ్
చంద్రబాబుతో పవన్ కళ్యాణ్, రేణు దేశాయ్ కుమారుడు అకిరా నందన్
Andhra Pradesh Telugu | Suryaa Desk | Published : Tue, Jun 04, 2024, 11:23 PM
ఏపీ ఎన్నికల్లో టీడీపీ కూటమి గ్రాండ్ విక్టరీ కొట్టింది. ఊహించని రీతిలో జిల్లాలకు జిల్లాలను స్వీప్ చేసింది. ఎన్నికల ఫలితాల అనంతరం టీడీపీ అధినేత చంద్రబాబు, జనసేన అధినేత పవన్ కల్యాణ్‌తో భేటీ అయ్యారు. గుంటూరు జిల్లా మంగళగిరిలోని జనసేన కార్యాలయానికి వెళ్లారు చంద్రబాబు. ఈ సందర్భంగా పవన్ కళ్యాణ్.. చంద్రబాబుకు సాదర స్వాగతం పలికారు. అనంతరం చంద్రబాబుకు పవన్ కల్యాణ్‌ .. తన కుమారుడు అకీరా నందన్‌ను పరిచయం చేశారు. ఈ సందర్భంగా అకీరా నందన్ చంద్రబాబు కాళ్లు మొక్కి ఆశీర్వాదం తీసుకున్నారు. అనంతరం ఇరువురు నేతలు పరస్పరం అభినందనలు తెలియజేసుకున్నారు. ప్రత్యేకంగా భేటీ అయిన నేతలు.. ప్రభుత్వ ఏర్పాటు, సీఎం ప్రమాణస్వీకారానికి సంబంధించిన ఏర్పాట్లపై చర్చించినట్టు తెలిసింది.
|
|