గన్నవరం ఎయిర్‌పోర్టులో డాక్టర్ లోకేష్‌ అరెస్ట్ వ్యవహారంలో మరో ట్విస్ట్.. కోర్టులో పోలీసుల పిటిషన్

ఆంధ్రప్రదేశ్ ముఖ్యమంత్రి వైఎస్ జగన్‌మోహన్ రెడ్డి శనివారం లండన్ వెళ్లే సమయంలో.. శనివారం ఉదయం విజయవాడ ఎయిర్‌పోర్టులో పోలీసులు అనుమానాస్పదంగా కనిపించిన డాక్టర్ ఉయ్యూరు లోకేష్ కుమార్‌ను అదుపులోకి తీసుకున్న సంగతి తెలిసిందే. ఆ తర్వాత ఆయనకు 41ఏ కింద నోటీసులు ఇచ్చి పోలీసులు విడుదల చేశారు. మళ్లీ ఆదివారం రోజు ఆయన డిల్లీ వెళ్లేందుకు గన్నవరం విమానాశయ్రాయనికి వెళ్లగా.. అక్కడ సీఎస్‌ఎఫ్‌ అధికారులు తనిఖీలు నిర్వహించారు. ఆయన దగ్గర శాటిలైట్ ఫోన్‌ను గుర్తించారు.. వెంటనే మరోసారి అదుపులోకి తీసుకున్నారు. వెంటనే గన్నవరం పోలీసులకు అప్పగించారు.

విజయవాడ ఎయిర్‌పోర్టులో శాటిలైట్‌ ఫోన్‌తో వచ్చారన్న ఆరోపణలపై డాక్టర్‌ ఉయ్యూరు లోకేష్‌పై కేసు నమోదుకు పోలీసులు సిద్ధమయ్యారు. లోకేష్‌పై కేసు నమోదుకు అనుమతివ్వాలని కోరుతూ గన్నవరం పోలీసులు కోర్టును ఆశ్రయించారు. ఈ మేరకు సోమవారం స్థానిక కోర్టులో పిటిషన్ దాఖలు చేశారు. మరి కోర్టు లోకేష్‌పై కేసు నమోదుకు అనుమతిస్తుందా లేదా అన్నది చూడాలి.

ఏపీ సీఎం వైఎస్ జగన్ జగన్ శనివారం విదేశాలకు వెళ్లారు.. అదే సమయంలో గన్నవరం విమానాశ్రయంలో అనుమానాస్పదంగా కనిపించారు.. దీంతో ఆయన్ను వెంటనే అదుపులోకి తీసుకున్నారు. ఆ సమయంలో తనకు గుండె వచ్చిందని చెప్పడంతో ఆస్పత్రికి తరలించారు. ఆ తర్వాత 41ఏ కింద నోటీసులు ఇచ్చి పంపించారు.. విచారణకు సహకరించాలని సూచించారు. ఈ క్రమంలో ఆదివారం కూడా డాక్టర్ లోకేష్‌ మరోసారి ఢిల్లీ వెళ్లేందుకు గన్నవరం ఎయిర్ పోర్ట్‌కు వచ్చారు.

విమానాశ్రయంలో లోకేష్ దగ్గర తనిఖీ చేయగా.. శాటిలైట్ ఫోన్ గుర్తించారు. వెంటనే ఆయన్ను అదుపులోకి తీసుకుని శాటిలైట్ ఫోన్ స్వాధీనం చేసుకుని గన్నవరం పోలీసులకు సమాచారం ఇవ్వగా. వారు అదుపులోకి తీసుకున్నారు. అనుమతి లేకుండా శాటిలైట్ ఫోన్ వినియోగించకూడదు.. అందుకే సీజ్ చేశారు. ఇప్పుడు డాక్టర్ లోకేష్‌పై కేసు నమోదు చేసేందుకు పోలీసులు కోర్టును ఆశ్రయించారు. లోకేష్ కుమార్‌కు అమెరికా పౌరసత్వం ఉంది.. ఆయన డాక్టర్‌గా పనిచేసి రిటైర్ అయ్యారు.