ట్రెండింగ్
జీ–20 సన్నాహక సమావేశానికి హాజరైన సీఎం జగన్
Andhra Pradesh Telugu | Suryaa Desk | Published : Tue, Dec 06, 2022, 12:46 PM
ఏపీ ముఖ్యమంత్రి వైయస్ జగన్‌మోహన్‌రెడ్డి సోమవారం ఢిల్లీ చేరుకున్నారు. ప్రధాని అధ్యక్షతన జరిగే జీ–20 సన్నాహక సమావేశానికి ముఖ్యమంత్రి హాజ‌ర‌య్యారు. 2023లో జీ–20 సదస్సును నిర్వహించే అవకాశం భారతదేశం దక్కించుకుంది. దానికి ఎజెండాను ఖరారు చేయడానికి దేశంలోని అన్ని పార్టీల నాయకులతో (అఖిల పక్షం) ప్రధాని నరేంద్రమోదీ సన్నాహక సమావేశం నిర్వహిస్తున్నారు. మోదీ అధ్యక్షతన రాష్ట్రపతి భవన్‌లో జరిగే ఈ సమావేశంలో సీఎం వైయస్ జగన్ పాల్గొన్నారు. భారత్‌ ఆధ్వర్యంలో వచ్చే ఏడాది సెప్టెంబర్‌లో జరగనున్న జీ–20 సదస్సులో చర్చించాల్సిన అంశాలు, అనుసరించాల్సిన వ్యూహాలపై సలహాలు, సూచనలను కేంద్ర ప్రభుత్వం స్వీకరించనుంది. సమావేశానికి దాదాపుగా 40 రాజకీయ పార్టీలకు చెందిన అధినేతల్ని పార్లమెంటరీ వ్యవహారాల మంత్రి ప్రహ్లాద్‌ జోషి ఆహ్వానించారు.
|
|