ట్రెండింగ్
తెలంగాణలో 3 రోజులు వర్షాలు కురిసే అవకాశం
Telangana Telugu | Suryaa Desk | Published : Thu, May 26, 2022, 11:58 AM
తెలంగాణ రాష్ట్రంలో రాగల 3 రోజుల్లో ఉరుములు, మెరుపులతో కూడిన వర్షాలు కురిసే అవకాశం ఉందని హైదరాబాద్‌ వాతావరణ కేంద్రం తెలిపింది. రాగల 48 గంటల్లో నైరుతి రుతుపవనాలు నైరుతి అరేబియా సముద్రంలోని కొన్ని ప్రాంతాలు, ఆగ్నేయ అరేబియా సముద్రంలోని మరికొన్ని ప్రాంతాలు, మాల్దీవులు, కొమోరిన్‌ ప్రాంతం, దక్షిణ, తూర్పు మధ్య బంగాళాఖాతంలోని కొన్ని ప్రాంతాలపై మరింత ముందుకు సాగడానికి పరిస్థితులు అనుకూలంగా ఉన్నాయని తెలిపింది. గురువారం ఉత్తర-దక్షిణ ద్రోణి ఉత్తర ఇంటీరియర్‌ కర్ణాటక నుంచి దక్షిణ తమిళనాడు వరకు సగటు సముద్ర మట్టం నుంచి 0.9 కి.మీటర్ల ఎత్తు వరకు కొనసాగుతుందని వాతావరణ శాఖ వెల్లడించింది.
|
|
