వరల్డ్ టెలివిజన్ ప్రీమియర్ తేదీని లాక్ చేసిన 'యశోద'
cinema | Suryaa Desk | Published : Wed, Feb 01, 2023, 09:00 PM
హరి శంకర్ అండ్ హరీష్ నారాయణ్ డైరెక్షన్ లో సౌత్ ఇండియా సిజ్లింగ్ బ్యూటీ సమంత రూత్ ప్రభు నటించిన 'యశోద' మూవీ నవంబర్ 11, 2022న ప్రేక్షకుల ముందుకు వచ్చింది. ఈ సినిమా యొక్క శాటిలైట్ రైట్స్ ని ప్రముఖ ఎంటర్‌టైన్‌మెంట్ ఛానెల్ ఈటీవీ సొంతం చేసుకున్న సంగతి అందరికి తెలిసిందే. లేటెస్ట్ అప్డేట్ ప్రకారం, ఈ సినిమా వరల్డ్ టెలివిజన్ ప్రీమియర్ ఫిబ్రవరి 5, 2023న సాయంత్రం 06:30 గంటలకు ETV ఛానెల్‌లో ప్రదర్శించబడుతుందని సమాచారం.
ఈ చిత్రానికి మణిశర్మ సంగీతం అందించగా, మార్తాండ్ కె. వెంకటేష్ ఎడిటింగ్‌ను నిర్వహిస్తున్నారు. సైన్స్ ఫిక్షన్ థ్రిల్లర్ ట్రాక్ లో వస్తున్న ఈ సినిమాలో రావు రమేష్, వరలక్ష్మి శరత్‌కుమార్, ఉన్ని ముకుందన్, మురళీ శర్మ, సంపత్ రాజ్, శత్రు, మధురిమ, కల్పిక గణేష్, దివ్య శ్రీపాద, ప్రియాంక శర్మ ముఖ్య పాత్రలు పోషిస్తున్నారు. శ్రీదేవి మూవీ బ్యానర్‌పై శివలెంక కృష్ణ ప్రసాద్ ఈ సినిమాని నిర్మించారు.
|
|