'వారిసు' బ్లాక్ బస్టర్ తదుపరి కోలీవుడ్ స్టార్ హీరో విజయ్ సెన్సేషనల్ డైరెక్టర్ లోకేష్ కనగరాజ్ తో చేతులు కలిపిన విషయం తెలిసిందే. ఈ నెల 2 నుండి రెగ్యులర్ షూటింగ్ ప్రారంభించి, శరవేగంగా చిత్రీకరణ జరుపుకుంటున్న ఈ సినిమా నుండి క్యాస్ట్ ఎనౌన్స్మెంట్ జరుగుతుంది. ఇప్పటి వరకు జరిగిన ఎనౌన్స్మెంట్ ప్రకారం, ఈ సినిమాలో బాలీవుడ్ విలక్షణ నటుడు సంజయ్ దత్, హీరోయిన్స్ త్రిష, ప్రియా ఆనంద్, యాక్షన్ కింగ్ అర్జున్,శాండీ, గౌతమ్ మీనన్, మ్యాథ్యు థామస్, మన్సూర్ అలీఖాన్, మిస్కిన్ కీలకపాత్రలు పోషిస్తున్నారు.
అనిరుద్ రవిచంద్రన్ సంగీతం అందిస్తున్న ఈ సినిమాను 7 స్క్రీన్ స్టూడియోస్ సంస్థ ప్రతిష్టాత్మకంగా నిర్మిస్తుంది.
తాజాగా తలపతి 67 పూజా కార్యక్రమ వీడియోను కాసేపటి క్రితమే మేకర్స్ అఫీషియల్ గా విడుదల చేసారు.