మరో రెండు రోజులలో డిజిటల్ ఎంట్రీ ఇవ్వనున్న కోవై సరళ 'సెంబి'
cinema | Suryaa Desk | Published : Wed, Feb 01, 2023, 06:40 PM
మైనా సినిమాతో మంచి పేరు తెచ్చుకున్న కోలీవుడ్ దర్శకుడు ప్రభు సోలమన్ ఇటీవలే 'సెంబి' అనే ఆసక్తికరమైన సినిమాతో ప్రేక్షకుల ముందుకు వచ్చిన సంగతి అందరికి తెలిసిందే. ఈ సినిమా న్యూ ఇయర్ కానుకగా డిసెంబర్ 30న ప్రేక్షకుల ముందుకు వచ్చింది కానీ బాక్స్ఆఫీస్ వద్ద పెద్దగా ప్రేక్షకులని ఆకట్టుకోలేకపోయింది. తాజగా ఇప్పుడు, ఈ సినిమా డిజిటల్ స్ట్రీమింగ్ రైట్స్ ని సొంతం చేసుకున్న డిస్నీ ప్లస్ హాట్‌స్టార్ ఈ సినిమా ఫిబ్రవరి 3 నుండి స్ట్రీమింగ్ కి అందుబాటులోకి రానుంది అని ప్రకటించింది. ఈ చిత్రంలో అశ్విన్ కుమార్ లక్ష్మీకాంతన్ కీలక పాత్ర పోషిస్తున్నారు.
ఈ చిత్రంలో అత్యంత ప్రజాదరణ పొందిన కోవై సరళ కూడా సీరియస్ పాత్రలో కనిపించింది. ఈ సినిమాలో ఆమె 70 ఏళ్ల వృద్ధురాలి క్యారెక్టర్‌ని పోషిస్తున్నట్లు సమాచారం. ఇంటెన్స్ డ్రామా ట్రాక్ లో రానున్న ఈ చిత్రాన్ని AR ఎంటర్‌టైన్‌మెంట్ మరియు ట్రైడెంట్ ఆర్ట్స్‌పై R రవీంద్రన్, అజ్మల్ ఖాన్ మరియు రేయా నిర్మించారు. నివాస్ కె ప్రసన్న సంగీతం అందిస్తున్నారు.
|
|