ఇకపై రొమాన్స్ చెయ్యనంటున్న రణ్ బీర్ ... కారణం?
cinema | Suryaa Desk | Published : Sat, Jun 25, 2022, 12:22 PM
బాలీవుడ్ లవర్ బాయ్ రణ్ బీర్ కపూర్ కెరీర్ ప్రారంభించినప్పటి నుండి లవ్ స్టోరీలలోనే ఎక్కువగా నటిస్తూ వచ్చాడు. సావరియా, అంజానా అంజాని, రాక్ స్టార్, బర్ఫీ, ఏ దిల్ హై ముష్కిల్, ఏ జవానీ హై దివాని వంటి విభిన్న లవర్ స్టోరీలలో నటించిన రణ్ బీర్ కు ఆ సినిమాలంటే మొహం మొత్తేసిందట. ఈ విషయాన్ని నిన్న జరిగిన తన కొత్త సినిమా "షంషేరా" ట్రైలర్ లాంఛ్ ఈవెంట్లో స్వయంగా రణ్ బీర్ చెప్పడంతో ఈ విషయం బాలీవుడ్ మీడియాలో హాట్ టాపిక్ గా నిలిచింది. రొమాంటిక్ సినిమాలలో నటించి చిరాకు వచ్చిందని, దీంతో తన కంఫర్ట్ జోన్ నుండి బయటకొచ్చి షంషేరా, బ్రహ్మాస్త్ర వంటి విభిన్నమైన సినిమాలను ఒప్పుకున్నానని రణ్ బీర్ చెప్పారు. ఈ విషయంపై ఆయన అభిమానులు హర్షం వ్యక్తం చేస్తున్నారు. ఇక నుండి తమ అభిమాన నటుడి నుండి డిఫరెంట్ సినిమాలను ఆశించవచ్చని పండగ చేసుకుంటున్నారు. కానీ కొంతమంది మాత్రం... ఆలియా వల్లే రణ్ బీర్ ఇలాంటి నిర్ణయం తీసుకున్నాడని, ఆమెపై మండిపడుతున్నారు.
|
|