ట్రెండింగ్
మాజీ భార్య, భర్తల మధ్య ఆసక్తికర పోటీ
cinema | Suryaa Desk | Published : Fri, May 06, 2022, 04:14 PM
బాక్సాఫీస్ వద్ద అత్యంత ఆసక్తికరమైన పోటీకి సమయం ఆసన్నమవుతోంది. కేవలం ఒక్కరోజు తేడాతో సమంత, నాగచైతన్యలు నటించిన సినిమాలు విడుదల కాబోతున్నాయి. సమంత ప్రధాన పాత్రను పోషించిన 'యశోద' చిత్రం ఆగస్ట్ 12న విడుదల కాబోతోంది. దర్శక ద్వయం హరి-హరీశ్ ఈ చిత్రాన్ని తెరకెక్కించారు. ఈ సినిమాలో వరలక్ష్మీ శరత్ కుమార్ ఒక కీలక పాత్రలో కనిపించబోతోంది. మణిశర్మ ఈ సినిమాకు సంగీతాన్ని అందించారు.
మరోవైపు నాగచైతన్య బాలీవుడ్ ఎంట్రీ ఇస్తున్న 'లాల్ సింగ్ చద్దా' మూవీ ఆగస్ట్ 13న ప్రేక్షకుల ముందుకు వస్తోంది. ఈ సినిమాలో ఆమిర్ ఖాన్, కరీనా కపూర్ ప్రధాన పాత్రలను పోషించగా... నాగచైతన్య కీలక పాత్రను పోషించాడు. ఒక్కరోజు తేడాతో మాజీ భార్యాభర్తల సినిమాలు విడుదల కానుండటం ప్రేక్షకుల్లో ఆసక్తిని పెంచుతోంది. ఈ సినిమాల్లో ఏది సక్సెస్ అవుతుందో? ఎవరు విజయాన్ని అందుకుంటారో? వేచి చూడాలి.
|
|