ట్రెండింగ్
'RC15' సినిమా ఆఫర్ ని రిజెక్ట్ చేసిన స్టార్ హీరో
cinema | Suryaa Desk | Published : Fri, Apr 08, 2022, 12:33 PM
సెన్సషనల్ డైరెక్టర్ శంకర్ దర్శకత్వంలో మెగా పవర్ స్టార్ రామ్ చరణ్ 'RC15' సినిమా చేస్తున్న సంగతి తెలిసిందే. తమన్ సంగీతం అందిస్తున్న ఈ సినిమాలో బాలీవుడ్ బ్యూటీ కైరా అద్వానీ కథానాయికగా నటిస్తోంది. తమిళ నటుడు ఎస్‌జే సూర్య విలన్‌గా నటిస్తుండగా, సునీల్, శ్రీకాంత్ కీలక పాత్రల్లో కనిపించనున్నారు. తాజా రిపోర్ట్స్ ప్రకారం, మలయాళం స్టార్ హీరో మోహన్ లాల్ ఈ సినిమాలో నెగటివ్ రోల్ చేయడానికి వచ్చిన ఆఫర్ ని రిజెక్ట్ చేసినట్లు సమాచారం. జనతా గ్యారేజ్‌, మనమంతా సినిమాలలో క్యారెక్టర్ రోల్స్ చేసిన ఈ సీనియర్ స్టార్ హీరో మలయాళంలో ఫుల్ బిజీ అయ్యాడు. ఇటీవల విడుదలైన OTT సినిమా 'బ్రో డాడీ' కూడా మంచి బ్లాక్‌బస్టర్‌గా నిలిచింది. పాన్ ఇండియా మూవీగా రిలీజ్ అవుతున్న'RC15' సినిమాని దిల్ రాజు నిర్మిస్తున్నారు.
|
|