మీ పాలసీ రెగ్యులరైజ్ చేసుకొనే అవకాశం ఇంకొద్ది రోజులు మాత్రమే

ఎల్ఐసీ ప్రకటించిన బంపర్ ఆపర్ ముగిసే సమయం దగ్గరపడుతోంది. దేశీ దిగ్గజ బీమా రంగ కంపెనీ లైఫ్ ఇన్సూరెన్స్ కార్పొరేషన్ ఆఫ్ ఇండియా ఎల్‌ఐసీ ఎన్నో రకాల పాలసీలు అందిస్తోంది. వీటిల్లో పిల్లలు, సీనియర్ సిటిజన్స్, మహిళలు ఇలా అందరికీ అనుగుణమైన పాలసీలు ఉన్నాయి. మీకు నచ్చిన పాలసీ తీసుకోవచ్చు. మీరు తీసుకునే పాలసీ ఆధారంగా మీకు లభించే ప్రయోజనాలు కూడా ఆధారపడి ఉంటాయని గుర్తు పెట్టుకోవాలి. ఎల్‌ఐసీ నుంచి పాలసీ తీసుకొని, ఆర్థిక ఇబ్బందులు వల్ల ప్రీమియం చెల్లించక పోవడం వల్ల పాలసీ ల్యాప్స్ అయితే.. ఇలాంటి పాలసీలు కలిగిన వారికి కూడా ఎల్‌ఐసీ ఇప్పుడు ఒక ఆప్షన్ అందిస్తోంది. వీటిన్ని మళ్లీ రెగ్యులర్ చేసుకునే వెసులుబాటు కల్పిస్తోంది. అందువల్ల మీరు కూడా ఇలాంటి పాలసీ కలిగి ఉంటే.. వెంటనే కంపెనీ అందిస్తున్న ఆప్షన్‌ను సద్వినియోగం చేసుకోవచ్చు. ఎల్ఐసీ మార్చి 25 వరకు గడువు అందిస్తోంది. ల్యాప్స్ అయిన పాలసీలను ఈ గడువులోగా మళ్లీ పునరుద్ధరించుకోవచ్చు. అందువల్ల మీ వల్ల ల్యాప్స్ అయిన పాలసీ ఉంటే.. ఈ అవకాశాన్ని వినియోగించుకోవచ్చు. ఈ ఆప్షన్ కింద పాలసీని పునరుద్ధరించుకోవాలని భావిస్తే.. అలాంటి పాలసీదారులకు లేట్ ఫీజు మినహాయింపు కూడా లభిస్తుంది. ఎల్‌ఐసీ ఫిబ్రవరి నెల నుంచే ఈ అవకాశాన్ని అందిస్తోంది. దీనికి మార్చి 25 వరకు గడువు ఉంది. ఎల్‌ఐసీ ప్రకారం.. వార్షిక ప్రీమియం రూ. లక్ష వరకు చెల్లించాల్సి ఉంటే.. వారికి 20 శాతం వరకు డిస్కౌంట్ లేదా గరిష్టంగా రూ. 2 వేల వరకు ప్రయోజనం లభిస్తుంది. అలాగే రూ. లక్ష నుంచి రూ. 3 లక్షల వరకు వార్షిక ప్రీమియం ఉంటే వారికి 25 శాతం వరకు డిస్కౌంట్ లేదా గరిష్టంగా రూ. 2,500 తగ్గింపు లభిస్తోంది. ఇంకా రూ. 3 లక్షలకు పైన వార్షిక ప్రీమియం చెల్లించాల్సి ఉంటే.. వారికి 30 శాతం వరకు లేదా గరిష్టంగా రూ. 3 వేల వరకు తగ్గింపు ఉంది. అందువల్ల మీరు ల్యాప్స్ అయిన పాలసీ కలిగి ఉంటే ఈ ఛాన్స్‌ను ఉపయోగించుకోవచ్చు.