ట్రెండింగ్
టీమిండియా, వెస్టిండీస్ జట్ల మధ్య మ్యాచ్ వేదికల మార్పు
sports | Suryaa Desk | Published : Sat, Jan 22, 2022, 11:31 PM
భారత్ లో కరోనా విజృంభణను దృష్టిలో ఉంచుకుని టీమిండియా, వెస్టిండీస్ జట్ల మధ్య మ్యాచ్ ల వేదికల్లో బీసీసీఐ మార్పులు చేసింది. మూడు వన్డేలు అహ్మదాబాద్ లోని నరేంద్ర మోదీ స్టేడియంలో జరుగుతాయని, మూడు టీ20 మ్యాచ్ లు కోల్ కతాలోని ఈడెన్ గార్డెన్స్ లో జరుగుతాయని బీసీసీఐ ఓ ప్రకటనలో వెల్లడించింది. ఫిబ్రవరి 6, 9, 11 తేదీల్లో వన్డే మ్యాచ్ లు జరగనున్నాయి. ఫిబ్రవరి 16, 18, 20 తేదీల్లో టీ20 మ్యాచ్ లు జరగనున్నాయి. ఇదిలావుంటే ఫిబ్రవరిలో వెస్టిండీస్ క్రికెట్ జట్టు భారత్ లో పర్యటించనుంది. ఈ పర్యటనలో భాగంగా వెస్టిండీస్ జట్టు టీమిండియాతో మూడు వన్డేలు, మూడు టీ20 మ్యాచ్ లు ఆడనుంది. అయితే భారత్ లో కరోనా విజృంభణను దృష్టిలో ఉంచుకుని టీమిండియా, వెస్టిండీస్ జట్ల మధ్య మ్యాచ్ ల వేదికల్లో బీసీసీఐ మార్పులు చేసింది.
|
|