టిక్టాక్ పిచ్చిలో పడి అనేక మంది చుట్టు పక్కల ఏం జరుగుతుందో పట్టించుకోకుండా ప్రవర్తిస్తున్నారు. టిక్ టాక్ చేస్తూ ప్రాణాలు పోగొట్టుకున్నవారు సైతం ఉన్నారు. కొందరైతే పార్కులు, రోడ్లు ఎక్కడ బడితే అక్కడ టిక్టాక్లు చేస్తూ ఫేమస్ అవ్వాలని ఆరాటపడుతున్నారు. ఈ నేపథ్యంలో ఒక అమ్మాయి తమ అపార్ట్మెంట్ ప్రాంగణంలో టిక్ టాక్ కోసం డ్యాన్స్ చేస్తోంది. ఆ సమయంలో అక్కడికి వచ్చిన ఓ కుక్క ఒకసారిగా వచ్చి అమ్మాయి తొడను కరిచింది. దీంతో అమ్మాయి భయపడి కుక్కను వదిలించుకొని పారిపోయింది. ఆ టిక్ టాక్ ఏమో కానీ కుక్క కరిచే వీడియో మాత్రం బాగా వైరల్ గా మారింది. కుక్క మంచి పని చేసింది. ఆ అమ్మాయికి తిక్క కుదిరిందంటూ నెటిజన్లు కామెంట్లు పెడుతున్నారు.