ఎయిర్టెల్ సరికొత్త ప్లాన్...రూ.599 రీచార్జ్ తో రూ.4 లక్షల విలువైన లాభం..

టెలికాం రంగ దిగ్గజం అయిన ఎయిర్ టెల్ ఇప్పుడు ప్రధానంగా దీర్ఘకాలిక ప్లాన్లపై దృష్టి పెట్టింది. దీని మీదనే ఎందుకు దృష్టి పెట్టిందంటే వినియోగదారులు ఒక్కసారి దీర్ఘకాలిక రీచార్జ్ చేశారంటే మళ్లీ చాలా కాలం పాటు రీచార్జ్ చేయాల్సిన అవసరం ఉండదు. అంతే కాకుండా ఎయిర్ టెల్ ఇందులో కొన్ని ప్రత్యేక ఆఫర్లు కూడా అందించనుంది. దేశంలో ఉన్న అన్ని టెలికాం కంపెనీలూ లాంగ్ టర్మ్ ప్లాన్లను అందిస్తున్నాయి. అయితే ఎయిర్ టెల్ అందించే ఈ లాంగ్ టర్మ్ ప్లాన్లు చాలా ఆకర్షణీయంగా ఉంటాయి.

రూ.597 ప్లాన్..

ఈ ప్లాన్ వ్యాలిడిటీ 169 రోజులుగా ఉంటుంది. ఈ ప్లాన్ ద్వారా ఎయిర్ టెల్ అన్ లిమిటెడ్ ఫ్రీ కాలింగ్ ను అందిస్తోంది. అంతేకాకుండా 6 జీబీ డేటాను కూడా అందిస్తుంది. ప్రతి 28 రోజులకు ఒకసారి మీరు 300 ఎస్ఎంఎస్ లను కూడా పొందుతారు. డేటా ఎక్కువగా ఉపయోగించకుండా కాల్స్ బాగా మాట్లాడేవారికి ఈ ప్లాన్ బాగా ఉపయోగపడుతుంది. ఇక మిగతా లాభాల విషయానికి వస్తే.. ఒక సంవత్సరం పాటు ఉచితంగా వింక్ మ్యూజిక్, ఎయిర్ టెల్ ఎక్స్ స్ట్రీమ్ ప్రీమియం, నార్టన్ మొబైల్ సెక్యూరిటీ లభించనుంది.

రూ.599 ప్లాన్..

ఎయిర్ టెల్ అందించే దీర్ఘకాలిక ప్లాన్లలో కొత్తగా చేరిన ప్లాన్ ఇదే. ఈ ప్లాన్ వ్యాలిడిటీ 84 రోజులుగా ఉంది. ఈ ప్లాన్ ద్వారా రోజుకు 2 జీబీ డేటా ఉచితంగా లభిస్తుంది. అలాగే 100 ఎస్ఎంఎస్ లు కూడా లభిస్తాయి. ఈ ప్లాన్ తీసుకున్న వారికి భారతీ ఆక్సా లైఫ్ ఇన్సూరెన్స్ కంపెనీ ద్వారా రూ.4 లక్షల ఇన్సూరెన్స్ ను ఉచితంగా అందిస్తున్నారు.

రూ.998 ప్లాన్..

ఈ ప్లాన్ లో వ్యాలిడిటీ 336 రోజులుగా ఉంటుంది. ఈ ప్లాన్ ద్వారా కూడా మీరు అన్ లిమిటెడ్ ఫ్రీ కాలింగ్ ను పొందవచ్చు. ఈ ప్లాన్ ద్వారా మీరు 12 జీబీ డేటాను ఉచితంగా పొందుతారు. పై ప్లాన్ మాదిరిగానే ప్రతి 28 రోజులకు 300 ఎస్ఎంఎస్ లు కూడా మీరు పొందవచ్చు. ఈ ప్లాన్ ద్వారా కూడా మీరు వింక్ మ్యూజిక్, ఎయిర్ టెల్ ఎక్స్ స్ట్రీమ్, నార్టన్ మొబైల్ సెక్యూరిటీలను ఒక సంవత్సరం పాటు ఉచితంగా పొందవచ్చు.

రూ.1,699 ప్లాన్..

ఈ ప్లాన్ ధర ధర కొంచెం ఎక్కువగానే ఉంది. కానీ వ్యాలిడిటీ మాత్రం 365 రోజులు. అంటే ఈ ప్లాన్ ద్వారా ఒక్కసారి రీచార్జ్ చేస్తే తిరిగి సంవత్సరం పాటు మళ్లీ రీచార్జ్ చేయక్కర్లేదన్న మాట. అయితే ఈ ప్లాన్ తో రీచార్జ్ చేసుకుంటే అన్ లిమిటెడ్ కాలింగ్ తో పాటు రోజుకు 1.4 జీబీ డేటా కూడా ఉచితంగా లభిస్తుంది. రోజుకు 100 ఎస్ఎంఎస్ లు కూడా లభిస్తాయి. ఇంతే కాకుండా పైన పేర్కొన్న ప్లాన్ల మాదిరిగానే వింక్ మ్యూజిక్, ఎయిర్ టెల్ ఎక్స్ స్ట్రీమ్, నార్టన్ మొబైల్ సెక్యూరిటీలను ఒక సంవత్సరం పాటు ఉచితంగా పొందవచ్చు.