సాఫ్ట్‌వేర్ ఇంజినీర్ ప్రాణాలను కాపాడిన అమ్మ ఫోన్‌ కాల్..

బెంగళూరులోని రామేశ్వరం కేఫ్‌లో బాంబు పేలుడు దేశవ్యాప్తంగా చర్చనీయాంశమైంది. ప్రమఖ కేఫ్‌లో బాంబు పేలడం రాజకీయంగానూ అధికార, విపక్షాల మధ్య మంటపెట్టింది. ఈ ఘటనలో పది మంది వరకూ గాయపడ్డారు.అయితే ఈ ప్రమాద ఘటన నుంచి తప్పించుకున్న ఓ సాఫ్ట్‌వేర్ ఇంజినీర్.. ప్రమాదం నుంచి తను ఎలా బయటపడిందీ వెల్లడించారు. అనుకోకుండా తన అమ్మ చేసిన ఫోన్ కాల్ తన ప్రాణాలను నిలబెట్టిందని చెప్పుకొచ్చాడు. రామేశ్వరం కేఫ్‌లో బాంబు పేలడానికి కొన్ని సెకన్ల ముందు అతను ఆ కేఫ్‌లో నుంచి బయటకు వచ్చి తన ప్రాణాలను కాపాడుకున్నాడు. సినిమాల్లో చూపించిన విధంగా బాంబు పేలడానికి కొన్ని సెకన్ల ముందు అతనికి ఫోన్ కాల్ రావటం అతన్ని ముప్పు నుంచి తప్పించింది.

అయితే ఈ ప్రమాద ఘటన నుంచి తప్పించుకున్న ఓ సాఫ్ట్‌వేర్ ఇంజినీర్.. ప్రమాదం నుంచి తను ఎలా బయటపడిందీ వెల్లడించారు. అనుకోకుండా తన అమ్మ చేసిన ఫోన్ కాల్ తన ప్రాణాలను నిలబెట్టిందని చెప్పుకొచ్చాడు. రామేశ్వరం కేఫ్‌లో బాంబు పేలడానికి కొన్ని సెకన్ల ముందు అతను ఆ కేఫ్‌లో నుంచి బయటకు వచ్చి తన ప్రాణాలను కాపాడుకున్నాడు. సినిమాల్లో చూపించిన విధంగా బాంబు పేలడానికి కొన్ని సెకన్ల ముందు అతనికి ఫోన్ కాల్ రావటం అతన్ని ముప్పు నుంచి తప్పించింది.

కుమార్ అలంకృత్ అనే 24 ఏళ్ల యువకుడు బెంగుళూరులో సాఫ్ట్ వేర్ ఇంజినీర్‌గా పనిచేస్తున్నాడు. బ్రూక్‌ ఫీల్డ్‌లో ఉంటూ హైబ్రిడ్ పద్థతిలో జాబ్ చేస్తు్న్నాడు. అయితే శుక్రవారం.. వర్క్ ఫ్రమ్ హోమ్ పద్ధతి ద్వారా కుమార్ విధులకు హాజరయ్యాడు. ఇంటిలో నుంచే పనిచేస్తూ ఉండటంతో వంట కూడా వండుకోవాల్సి వచ్చింది. అయితే ప్రతిరోజూ వంట చేసుకునే కుమార్‌కు.. శుక్రవారం ఎందుకో గరిటె పట్టుకోవడం బద్ధకంగా అనిపించింది. దీంతో సరదాగా అలా బయటకు వెళ్లి తినేసి వద్దామని ప్లాన్ చేసుకున్నాడు. ప్లాన్ చేసుకున్నట్లుగానే లంచ్ కోసం బయటకు వచ్చాడు.

రామేశ్వరం కేఫ్ వద్దకు వచ్చిన అలంకృత్ ఓ ప్లేట్ ఇడ్లీ, మరో ప్లేట్ దోసె ఆర్డర్ ఇచ్చి చెట్టుకింద కూర్చున్నాడు. ఇక ఇడ్లీ తినడం పూర్తైన వెంటనే.. దోశె కోసం కౌంటర్ వైపుగా వెళ్లాడు. ఆ సమయంలోనే అతని ఫోన్ రింగ్ అయ్యింది. తీసి చూస్తే తన అమ్మ నుంచి ఫోన్ కాల్ వస్తోంది. ఈ టైమ్‌లో ఎప్పుడూ అమ్మ ఫోన్ చేయదే అనుకుంటూనే కుమార్ అలంకృత్ ఫోన్ లిఫ్ట్ చేశాడు. అయితే సిగ్నల్స్ సరిగా లేవని, ఫోన్ కాల్ సరిగా వినిపించడం లేదని వాళ్లమ్మ చెప్పింది. కాస్త పక్కకు వచ్చి మాట్లాడమని సూచించింది..

అలా అమ్మ చెప్పిన వెంటనే కుమార్ అలంకృత్ కాస్త పక్కకు వచ్చాడో లేదా వెనుకవైపు నుంచి ఢబేల్ మని పేలుడు. వెనక్కి తిరిగి చూస్తే అప్పటి వరకూ తాను కూర్చున్న చెట్టుకింద పేలుడు. గాయాలైన వారి అరుపులు, నల్లటి పొగతో ఆ ప్రాంతమంతా భయానకంగా మారిపోయింది. దీంతో కొద్ది క్షణాలపాటు కుమార్ షాక్‌లోకి వెళ్లిపోయాడు. ఆ తర్వాత తేరుకుని గాయపడ్డవారికి సాయం చేయడం కోసం అటువైపు పరిగెత్తాడు.

కాసేపటికే మరోసారి అలంకృత్‌కు వాళ్ల అమ్మ నుంచి ఫోన్ కాల్ వచ్చింది. తనకు ఏమైనా జరిగిందేమోననే భయంతో వాళ్లమ్మ మరోసారి ఫోన్ చేసింది. ఫోన్ లిఫ్ట్ చేసిన అలంకృత్ ఏమీ మాట్లాడలేకపోయాడు. ఆ క్షణంలో అతని కళ్లమ్మట కన్నీళ్లు. గుండెల్లో దడ. గొంతులో భయం. వాటిని దిగమింగుకుంటూ అలంకృత్ మొదటగా చెప్పిన మాట థ్యాంక్యూ అమ్మా.

ఈ ఘటనను గుర్తు చేసుకుంటూ కుమార్ అలంకృత్ భావోద్వేగానికి గురయ్యాడు. ఆ క్షణంలో తన అమ్మ తన ప్రాణాలను రక్షించిన దేవతగా అనిపించిందని అలంకృత్ చెప్తున్నాడు. ఎప్పుడూ సాయంత్రం సమయంలో ఫోన్ చేసే అమ్మ.. ఆ రోజు మధ్యాహ్నం సమయంలో ఫోన్ చేయడం, సిగ్నల్ సరిగా రాకపోవటం.. తను పక్కకు వెళ్లటం, ఇంతలోనే బాంబు పేలుడు ఆంతా డెస్టినీ అంటున్నాడు.